সকাল আর আসেনা গোলাপ হয়ে ফোটেনা কিশোরীর হাতে

আমার কোনতা বালা লাগের না,বুজান খালি জ্বালা জ্বালা লাগের মরিছর লাহান পুড়ার ভিত্র খোন খারণ বুজতাম ফারিয়ার না। তোমারে কইছলাম আজকো নিশা করছি... মেঘালয়র পাহাড় তাকি বাতাস আইয়র ঘুরতে ঘুরতে হাউরর পানিত চক্কর মারি আমার চউখত লাগের চাইরো দিকঅ পানি আর হের মাঝখানর হিজল গাছত বই তাকি এখটা পাখি। তার নীল ঠোঁট... আমার বাস চিক্কন রাস্তা ধইরি হাউরর মাঝখান ছেদা করি যেতে তাখের বাসর ভিত্র আমার লগত বওয়া তাখের দুইডা জোয়ান পুরী। নিশার ঘোর আমার চউখত এখটা কোষা নাও ভাসের আমার সাম ন ...শোকরূণ আর আক্তারা বেগম.. আমার ছোডকালর সাথী... হেতাইনগোর হাতত লগি...নাও ভর্তি শাপলার ফুল... আমারে দেইখা হেতারা কি সুন্দর হাসলায়! -আমারে খইলা কিতাবা বড় লোকর পোয়া কি লাখান আছো? আমি খইলাম্ ও শোকরূণ! তোমাগো বুকত ইলাখান মাংস কিলা অইল? গতকাইলখা না দেকলাম আমার বুকর লাখান সমতল আছলা? শোকরূণ আমারে খইছুইন -তুমি ইলাখান অসভ্য অইলা কিলা মিয়া বালা মাইনসর পোয়া? হালার হালা বাসর ডেরাইভার আখতা বেরেখ মারলা! আমার হুশ অইল।দেকলাম জোয়ান পুরী ইগুন বুকর কাফড় যতদূর লম্বা কইরা পারন যায়- বইয়া আছঅইন। মাতাল যেলাখান হাসঅইন আমি ও লাখান হাসলাম, পুরী ইগুন কি লাখান চাইঅর আমার দিকত্ হেতারা আমারে ফাগল ভাবলা না কিতা বুঝতাম ফারলাম না। আমার কোনতা বালা লাগের না,বুজান খালি জ্বালা জ্বালা লাগের মরিছর লাহান পুড়ার ভিত্র আমার চোউখর সাম্ ন এখটা নাও ভাসের ওউ ঔখানে বওয়া থাখঅইন শোকরূণ..আক্তারা বেগম.. আমার ছোডকালর সাথী।