তাহলে, লড়াই শুরু করি। তৌববুদি মিরাং মহুমদা মিরাং অমা ওন্না লৈবাসিনা মনুঙাইখি...
বাংলাদেশের মনিপুরী তরুণ কবি কন্থৌজম সুরঞ্জিত সম্পর্কে পরিচয় দিতে গিয়ে চট্টগ্রামের বিশিষ্ট সাহিত্যিক হাফিজ রশিদ খান এভাবে শুরু করেছেন, "কন্থৌজম সুরঞ্জিত মণিপুরি ও বাংলা : দুই ভাষাতেই স্বচ্ছন্দে লেখালেখি করেন। এই তরুণ তার কবিতার বয়ানে মগ্নচৈতন্যের নিষ্ঠাকে অবলম্বন করেছেন। ------- ভাবনাকেন্দ্রের সংহতি, কাব্যবোধের দূরগামি চিন্তন আর অক্ষর -সমবায়ের লক্ষ -অভিসারিতায় কন্থৌজম দৃষ্টি আকর্ষণ করেন.." -নির্বাচিত আদিবাসী গদ্য -হাফিজ রশিদ খান, পৃ: ৮২, ২০০৫।
এখানে সুরঞ্জিতের লেখা বিভিন্ন গদ্য-পদ্য নিয়ে মনিপুরী ভাষায় ছোট্ট একটি আলোচনা করছি।
পরবর্তীতে বাংলা ভাবান্তর পোষ্ট করা হবে।
------------------------ --------------------
ইমেইলদা সুরঞ্জিত না মহাক্কী ওয়ারেং - শৈরেং কয়া থারকখি, শৈরাংবা মরুপ-ইয়াহু গ্রুপতসু মহাক্কী শৈরেং-ওয়ারেং কয়াসু থেংনখি। ই -মেইলদা মহাক্কি শৈরেং-ওয়ারেংগী মরমদা ঐগী মোত ফোংদোকনিংবা লৈরবসু রোমান স্কৃপ্ট না মৈতৈরোল ইবা-পাবা ঐঙোন্দা খরা হৈনদবগুম তৌই, (পাদবাদি নত্তে অদুবু পানবা হোৎনবদা মনুংগী অর্থ কয়া লৌশনবা ঙমহৌদে। ) অদুনা ইনিংবা হাইনিংবা কয়া লৈরবসু তুমিন্না তোকথোকখি। অদুনা সুরঞ্জিত্ না ওয়ারৌরম্বা য়াই, উপায় লৈতে, মদু -ঐগী লিমিটেশননি।
বাংলা ব্লগকি খুদোংচাবা লৌরগা সুরঞ্জিতকি মতাংদা ঐগী ওয়াখল খরা অসিদা ফোংদোক্কে তৌবনি। মপুংফাবা ওয়াখল মক্তি নত্তে অদুবু মতম কুইনা থম্মোয়দা চোইজাইননা লৈবা ওয়াখলদুবু অসিদি মমি খরা তাহন্জবতনি।
সুরঞ্জিতক্কী ওয়ারেংদা ( বাংলা অমসুং মৈতৈলোন) য়াম্না অওয়াংবা থাক্কী লোন শিজনবা থেংনৈ, য়াম্ন অরুবা টার্ম-সিম্বলিক ওয়ার্ড সিজনবদা খুৎ নাল্লি। অপাবা শিংদা ইন্টলেক্টচুয়াল চ্যালেঞ্জ অমা থম্বগুম তৌই।
লাইরিক য়াম্ন পাব কন্বা, ইন্টারনেট অমদি ইলেক্ট্রনিক্স মিডিয়াগী ভার্চুয়াল ওয়ার্ল্ডদাসু ইরোইবা হৈবা, ডিটারমিনেশন লৈবা নহা অমগী হৌনবা থৌদোক কয়া ঐখোয়না তত্তনা থেংনৈ মহাক্কী থবক্তা।
সুরঞ্জিতক্কী ওয়ারেং ( বাংলা অমসুং মৈতৈলোন) পাবগী খুদোং চাব মরাং কায়না ফংখিদে মপানদা লৈব না। বাংলাদেশতা ফোংবা মহাক্কী ওয়ারেং পানিংবা লৈরবাসু পাবা ফংখিদে- ই-মেইলদা থারক্খিবশিংদু নত্তনা। অদুবু মহাক্না ইবা ওয়ারেং অনি-অহুম খক পারুবদা ইতোপ-তোপ্পা খোঞ্জেল অমা তাবা ফংখি। ( বাংলাগি - 'ঔপনিবেশিক ডিসকোর্স-বিরোধী তৎপরতা রিভাইভেলিজম নয়', মৈতৈ লোনগী - 'নুংশি তুজুং মনিকনা নিকচবা হিজম ইরাবত' । ) বাংলাদেশকী মনিপুরী অইবা শিংনা তোইনা সিজনদবা প্রমান-পান্থৈ, ওয়াহৈ-ওয়াতা, সিম্বল -মেটাফর কয়া মহাক্কী ওয়ারেংদা তত্তনা শিজনৈ।
অসিদা খন্থনিঙাই হাইববু, মনিপুরী লোনগি অপাব শিংনা মহাক্কী ওয়ারেং পারগা অর্থ পুম্নমক লৌশনবা ঙমগদ্রা হাইবদো খর চিংনবা পোকই।
সুরঞ্জিতকী শৈরেং পাবদা ইনৌ নৌবা অভিজ্ঞতা অমা ফংঙি, মহাক্কী ফজরবা ইমেজরি, য়াম্ন আর্থ -চেনবা ওয়াহৈ শিজনবাগী মহৌশাগী হৈনবী, কবিতা গী বাগ-প্রতিমা, আঙ্গিক, শৈলী, (মৈতৈ লোনগী টার্ম খরসিগী আর্থ করি না ওইগনি ? ঐগী মৈতৈ লোনগী ভোকেবুলারীদা য়াওদ্রে, অদুনা বাংলা ওইনা অসুম হাইরবনি। ) ছন্দ য়াম্ন মওং তাই। শৈরেংগী লাইন অমমম অনিরক- অহুমলক পাদবা য়াদে, মনুংগী ওইবা আর্থ খংবগী তমক। সুরঞ্জিত্কী খ্বাইদাগী থাগৎনিঙাই হাইববু, অওয়াব লৈতনা, নিংহন্নবা লৈতনা মনিপুরী লোনগী শৈরেং বাংলাদা হন্দোক্পা অমসুং বাংলা-ইংরেজী না চীংবা মপান লমদমগী শৈরেংবু মৈতৈ লোনদা হন্দোকপা।
ঙসিগী খুয়ৌনরবা মতম শিদা মহাক্কী শৈরেং গী মরমদা অকুপ্পা মরোলদা নৈনবদি মতাং চাদ্রে অমসুং মহাক্কী অনুবাদ-কর্মশিংগী কোয়ালিটি অমদি অফ-ফত্ত নৈনবা ঙহাক্কী ফিভমশিদা ওইথোক্তবনি।
হৌজিক হৌজিক মাংদা লৈরিবা ওয়ারেং অনিসি গি মতাংদা ঐগি হাইনিংবা খরা অসিদা শমলপ্না হাইজগে।
বাংলাদ ইবা, " 'ঔপনিবেশিক ডিসকোর্স-বিরোধী তৎপরতা রিভাইভেলিজম নয়' ওয়ারেং অসি মনিপুরী সমাজকী অপাব শিংদা নৌনা ওয়াখল খরা খন্থবাগী, ঐখোয়না শিজনরিবা টার্ম শিংগী মিনিং নৌহৌননা হন্দোকপাগী ওয়াহং কয়া লাকই। অদুতা নত্তনা অপাবা শিংনা হিষ্ট্রি-এনথ্রোপোলজী, সোসিওলজি গী পাড়া (হোমওয়ার্ক) তৌদনা ওয়ারেং অসি পাবদা আর্থ লৌশনবা খরা ওয়ানা থোক্কনি। ঙসিগী জ্ঞানরাজ্যদা অনৌ-অনৌবা মশা কয়া চোংথোরকলি, চোংথোরকখিনি- অসিনা লোইরে হাইবা য়াদ্রি, সুরঞ্জিত কী ওয়াহংগী পাউখুম সু ঙসি হেকতা পিবা য়াদ্রি, মতম খরা ঙাইবদা তঙাইফদে খল্লি।
মৈতৈ লোনদা ইবা " নুংশি তুজুং মনিকনা নিকচবা হিজম ইরাবত " কৌবা ওয়ারেং অসিদাসু জননেতা হিজম ইরাবত পু ময়াম্দা নৌহৌননা অনৌবা ইরাবত অমা পুথোক্নবা কন্না হোৎনৈ সুরঞ্জিত না। ইরাবোত পু লাইপোক ওইনা শাগৎপগি হোৎনরিবা পন্ডিত শিংদো সুরঞ্জিত না মদো তরাইনা লৌফম থোকতে খনলি, ময়ামদসু খলহননিংই। মহাক্না পামজখি, '... মায়ামসিগি মীৎয়েংদা অম'মম তৌনা কুপ্না য়েংলবদি, চাংদমনরবদি, ইরাবতপু লায়পোক ওইহন্দবা চুম্মি। মীচমগি মানাক্তা মীচমগী মচামা ওইনা লৈজবনা পকচৈ ইরাবোতগি অপুন্বা পুন্সি খোংচৎসে। ' অপাব ঐখোয়সু পামদে, হিজম ইরাবত ময়ামগী জননেতা ওইরবসু মহামানব-অবতার-ইশ্বরগী অশেংবা মনাই-লাইপোক অসিগুম্বা বিশেষননা ওমশিল্লগা ময়াম্দগী থাপতোকহল্লগা লাই ওইনা লাৎলগা মদুদাগী খুদোংচাবা লৌবাগী পাম্বৈ ওইনা শিজন্নবাদো।
মথংদা হিজম ইরাবোত পু লাই ওইনা লাৎকে খল্লিবা মীওই অমদি সংস্থান শিংনা ( সুরঞ্জিত কী ওয়াহৈদা - মমিৎ মনা শিংবা স্টাব্লিশমেন্ট ) খরা খন্থগনি নিংই। (অমগা অমগা শোয়নবা মায়ামগী মনুংদা, কোরোই অমগী মনুংদা-মায়ায়দা লৈরিবা মখোয়গী চিদায়দা (পেরিফেরি)-দা ইনথোকপিখ্রবা মখোয়গি মনুংদা লৈরিবা দ্বন্দ্ব নত্রগা সিস্টেমদুগী কোরোয় মনুংদা চন্দবা, মাপান্দা লৈরিবা ফেক্টরশিংবুসু পুসিল্লকতুনা লৈরিবা স্টাব্লিশম্যান্টসিবু অতৈগা হেন্না চংখোলহন্বগী টেকনিকমা মমিত্ মনা শিংবা স্টাব্লিশমেন্ট খুদিংনা শিজিনৈ। - প্যারা -৫ )অদুগা ওয়ারেং অসিগী প্যারা ৫ দা শাগৎলিবা লজিক- আর্গুমেন্ট- স্টেটম্যান্ট অসিনা অপাব ময়ামদা খোইরাং - খোইজাওনবা অমা ফাউহল্লি। ওয়াহৈ -ওয়াতা গী কোচী-কোয়া, মরৈ-মরোং গী মরক্তা অইবাগী ওয়াখল্লোন খংবদা অপাবশিংনা খরা ওয়ানদি থোকই, অদুবু চুমদে হাইনা পাক হেকতা হাইবদি ঙমলোই ঙসিগি বিশ্ব-বাস্তবতাসিদা।
।
অনলাইনে ছড়িয়ে ছিটিয়ে থাকা কথা গুলোকেই সহজে জানবার সুবিধার জন্য একত্রিত করে আমাদের কথা । এখানে সংগৃহিত কথা গুলোর সত্ব (copyright) সম্পূর্ণভাবে সোর্স সাইটের লেখকের এবং আমাদের কথাতে প্রতিটা কথাতেই সোর্স সাইটের রেফারেন্স লিংক উধৃত আছে ।