নাজমুল ইসলাম মকবুল আমরা দেশর রাজনীতি (সিলেটের আঞ্চলিক ভাষায় প্যারডী গান) নাজমুল ইসলাম মকবুল হুইনছনিগো বুবাইজী, হুইনছনিগো চাছিজী পেটনীতিতে ভইরা গেছে আমরা দেশর রাজনীতি। । ইলেকশনর সময় আইলে ধরইন আইনজা করি মা বইন চাচা চাছী ডাকইন দুইহাত জোড়হাত করি আগে বাড়ি সালাম করইন আগে বাড়ি সালাম করইন দেখাইন প্রেম পিরিতী। । বুড়া মানুষ দেখলে গিয়া সামনে খাড়া অইয়া ও চাছা ও চাছী আমার মাথা দেও আতাইয়া মাথার মাঝে একটা ফুঁ দেও মাথার মাঝে একটা ফুঁ দেও আমি আপনার জ্ঞাতী।

। আপনারা মোর বাপ চাচা ভাই একটা ভোট দেও ভিক্ষা পাশ করার পর তোমরারে ভাই দিমু উচিত শিক্ষা লেই লাগাইয়া ডাকতে অইবো লেই লাগাইয়া ডাকতে অইবো বুঝইয়া মতিগতি। । আতো পাওয়ো ধরইয়া আমি ভিক্ষা চাইমু ভোট আন্ধাইর রাইতে বাটমু আমি টেকার লাম্পা লোট কড়ায় গন্ডায় আদায় করমু কড়ায় গন্ডায় আদায় করমু ছড়াইয়া ভয় ভীতি। ।

বাসা বাড়িত গিয়া যখন ধরবায় লাম্পা লাইন হকল কিছু আদায় করমু নিতে আইলে সাইন লাম্পা সালাম দিতে অইবো লাম্পা সালাম দিতে অইবো এইতো রীতি নীতি। । সরকার থাকি যেতা পাইমু ভাগ বসাইমু আমি ইলেকশনর খরছ তোলমু গাড়ি চড়মু দামী চৌদ্দ গোস্টির উপায় করমু চৌদ্দ গোস্টির উপায় করমু একবার যদি জিতি। । (গানটি গাইতে চাইলে সুরের জন্য লেখকের সাথে যোগাযোগ করতে পারেন ০১৭১৮৫০৮১২) ।